Лета - не толькі час адпачынку, але і новых адкрыццяў. Цікавасць школьнікаў да нашага прадпрыемства расце з кожным днём!
2 чэрвеня ААТ «Даламіт» з экскурсіяй наведалі навучэнцы УА «СШ №15 г. Віцебска імя М.Я. Чуманіхінай». Для нас такія экскурсіі - адзін з ключавых элементаў прафарыентацыйнай працы.
Мы паказваем рабятам рэальную вытворчасць, знаёмім з запатрабаванымі прафесіямі, а таксама з багатай амаль векавой гісторыяй прадпрыемства. Каб яны ўжо зараз разумелі - працаваць на адзіным у Рэспубліцы Беларусь прадпрыемстве па здабычы і перапрацоўцы даламітавай сыравіны прэстыжна, цікава і перспектыўна.
