07.05.2024 4

Анлайн–квіз "Па слядах Перамогі", прысвечаны падзеям Вялікай Айчыннай вайны

Ёсць такія святы, пра якія нельга забываць, пра іх проста неабходна памятаць і годна адзначаць. Такой падзеяй для нас з'яўляецца Дзень Перамогі ў Вялікай Айчыннай вайне. 7 мая напярэдадні гэтага вялікага свята для супрацоўнікаў ААТ "Даламіт" быў арганізаваны анлайн-квіз "Па слядах Перамогі", прысвечаны падзеям Вялікай Айчыннай вайны.

У 2024 годзе спаўняецца 80 гадоў з дня поўнага вызвалення Беларусі ад нямецка-фашысцкіх захопнікаў. Разгром нямецка-фашысцкіх войскаў у Беларусі ўвайшоў у гісторыю як адна з найважнейшых бітваў Другой сусветнай і Вялікай Айчыннай войнаў. Населеныя пункты, якія сталі прыкладам баявога подзвігу, усенароднага супраціву, узнагароджаны вымпелам»за мужнасць і стойкасць у гады Вялікай Айчыннай вайны".

- Вызваленне Беларусі-падзея, якую немагчыма пераацаніць у нашым лёсе. І для беларускага народа паважаць подзвіг вызваліцеляў і шанаваць памяць пра іх – найважнейшы абавязак перад продкамі, - адзначыла намеснік дырэктара па персаналу і ідэалагічнай рабоце Марчанка А. В.

Квіз ўяўляў сабой серыю тэматычных пытанняў на анлайн-платформе аб ваенных падзеях, подзвігах, пераможных бітвах і аперацыях, гістарычных фактах, гарадах-героях, літаратурных творах і ваенных песнях.

Па выніках квізу месцы размеркаваліся наступным чынам:

1 месца – Якунчанкаў Дзмітрый

2 месца – Мялешкіна Ала

3 месца – Гусакова Наталля

Усе пераможцы атрымалі дыпломы і квіткі на фільм «час вярнуцца» ад першаснай прафсаюзнай арганізацыі.

Гэта мерапрыемства нагадала нам пра важнасць мужнасці, гераізму і подзвігаў тых, хто ахвяраваў сваім жыццём за нашу свабоду. У нашых сілах зрабіць так, каб гераічныя старонкі гісторыі Айчыны не аддаваліся забыццю. Мы абавязаны ведаць, каб памятаць!