25 чэрвеня напярэдадні Дня горада і 82-й гадавіны вызвалення Віцебска ў рамках тэматычнай экскурсіі работнікі ААТ "Даламіт" дакрануліся да гераічнай гісторыі горада, аддалі даніну павагі загінуўшым - усклалі кветкі да мемарыяльнага комплексу "Тры штыкі" на плошчы Перамогі.
Гэты велічны манумент, узведзены ў 1974 годзе, увасабляе адзінства трох сіл, якія разграмілі ворага: воінаў Чырвонай арміі, партызан і падпольшчыкаў. Тры 56-метровыя абеліскі назаўжды застылі ў памяць аб подзвігу вызваліцеляў.
Спазнаючы багатую гісторыю Віцебска, мы спасцігаем вытокі нязломнага характару яго жыхароў, іх стойкасць і волю да жыцця. Чым пільней узіраемся ў мінулыя стагоддзі, тым вастрэй адчуваем каштоўнасць мірнага неба і тым мацней наш гонар за продкаў. Быць годным спадкаемцам гэтай зямлі - значыць беражліва захоўваць яе памяць.
Мы памятаем, мы шануем, мы ганарымся!
