У ААТ "Даламіт" прайшоў Адзіны дзень інфармавання з удзелам Міністра архітэктуры і будаўніцтва.
18.06.2026
12
У ААТ "Даламіт" прайшоў Адзіны дзень інфармавання з удзелам Міністра архітэктуры і будаўніцтва.
У рамках Адзінага дня інфармавання ААТ "Даламіт" з рабочым візітам наведаў Міністр архітэктуры і будаўніцтва Рэспублікі Беларусь Аляксандр Віктаравіч Студнёў. Галоўнай тэмай сустрэчы з працоўным калектывам стала захаванне гістарычнай памяці аб подзвігу беларускага народа ў гады Вялікай Айчыннай вайны і патрыятычнае выхаванне моладзі.
Мерапрыемства адкрыў генеральны дырэктар ААТ "Даламіт" Сяргей Соглаеў. Ён абазначыў лейтматыў дыялога — "Памяць у імя будучыні", нагадаўшы прысутным словы Кіраўніка дзяржавы Аляксандра Лукашэнкі:
"Каб жыць пад мірным небам, кожны з нас павінен на сваім працоўным месцы выкладвацца і заўсёды працаваць на вынік".
У якасці профільнага дакладчыка перад калектывам выступіла Ірына Нікалаева - старшыня праўлення Віцебскай абласной арганізацыйнай структуры РДГА "Веды", дырэктар Віцебскага філіяла Міжнароднага універсітэта "МІПСА", кандыдат гістарычных навук, дацэнт.
У сваім выступленні Ірына Уладзіміраўна зрабіла асаблівы акцэнт на інфармацыйнай бяспецы. Яна адзначыла, што глыбокія веды ўласнай гісторыі сёння жыццёва неабходныя кожнаму беларусу, каб не паддавацца на правакацыі і спробы фальсіфікацыі, мэта якіх — сказіць гістарычную памяць нашага народа.
Звяртаючыся да работнікаў завода, Кіраўнік Мінбудархітэктуры Аляксандр Студнёў адзначыў, што сёння важна не проста памятаць аб подзвігу, але і актыўна перадаваць гэту памяць тым, каму трэба будзе будаваць будучыню краіны.
«Уся беларуская зямля была ахоплена вайной, спалены вёскі, разгромлены гарады. Вось ужо 81 год мы жывем пад мірным небам. І ўвесь гэты час мы дакладна ўсведамляем неабходнасць захавання памяці аб гераізме і ахвярах ваеннага пакалення, недапушчэнні скажэнні гістарычных фактаў. Важна данесці да моладзі пачуццё гонару за нашу краіну», - падкрэсліў Аляксандр Студнёў.
Падобныя сустрэчы выступаюць лепшай платформай для адкрытых зносін з моладдзю і перадачы ёй непарушных каштоўнасцяў, неабходных для захавання памяці аб гераічным мінулым нашага народа.
