07.03.2025
120
Канцэрт, прысвечаны Міжнароднаму жаночаму дню - 8 сакавіка
У пачатку канцэрта ад асобы генеральнага дырэктара ААТ "Даламіт" са словамі віншаванняў у адрас прыгожых дам звярнуўся намеснік генеральнага дырэктара па камерцыйных пытаннях Аршанскі С.А.:
– Дарагія нашы жанчыны! Дазвольце мне ад усіх мужчын нашага прадпрыемства павіншаваць вас з самым вясновым і пяшчотным святам – 8 сакавіка! Ад усёй душы пажадаць вам усяго самага найлепшага, каб кожны дзень вашага жыцця быў напоўнены любоўю і павагай, а кожны вечар – цяплом і клопатам блізкіх!
Вы заслугоўваеце самых высокіх хвал і падзякі за ўсё, што вы робіце для нашага прадпрыемства і для нас мужчын. У гэты перадсвяточны дзень хачу пажадаць вам шчасця, здароўя і ўдачы ва ўсіх вашых пачынаннях. Хай вы заўсёды будзеце акружаны любоўю і клопатам блізкіх Вам людзей, а Ваша жыццё будзе напоўнена сэнсам і радасцю.
Хай Восьмае сакавіка стане далёка не адзіным днём у годзе, калі спраўджваюцца жаночыя мары і рэалізуюцца задумы. Жадаю, каб у гэты дзень не абышлі сваёй увагай блізкія і любімыя людзі, а таксама ўсе тыя, хто важны і дарог вашаму сэрцу.
Са святам, дарагія нашы жанчыны!
На працягу ўсяго мерапрыемства гучалі словы падзякі, віншаванняў і пажаданняў, адрасаваных выдатным жанчынам, годным самых цёплых слоў прызнання, любові і павагі, тым, хто напаўняе наша жыццё сваім цяплом, прыгажосцю і клопатам.
Прыемным падарункам да свята стаў новенькі аўтобус, які ўжо 10 сакавіка пачне дастаўляць супрацоўнікаў ААТ "Даламіт" да месца працы і назад!
Святочны настрой стварылі творчыя нумары, якія падрыхтавалі калектывы дзяржаўнай установы "Цэнтр культуры "Віцебск".
Увесь канцэрт прайшоў на адным дыханні, пакінуўшы гледачам зарад станоўчых эмоцый і добрага настрою. Удзельнікі канцэрта атрымалі ад гледачоў шмат слоў падзякі за прыемна праведзены час і за цёплую атмасферу свята, у якую ім удалося акунуцца.
