30.04.2025
77
ААТ "Даламіт" – на дошцы гонару горада Віцебска
Ва ўрачыстай цырымоніі прынялі ўдзел кіраўніцтва вобласці і горада, кіраўнікі раённых адміністрацый Віцебска, дэпутацкі корпус, прадстаўнікі прадпрыемстваў і грамадскіх арганізацый.
Кіраўнік рэгіёна, Аляксандр Міхайлавіч Субоцін, выказаў падзяку калектывам і іх кіраўнікам:
- Ад імя абласнога выканаўчага камітэта выказваю падзяку калектывам і іх кіраўнікам, якія вызначыліся эфектыўнасцю, наватарствам, стабільнасцю. Вялікі дзякуй сапраўдным прафесіяналам сваёй справы. Знаходзячыся тут на плошчы Перамогі, святым для кожнага з нас месцы, у год 80-годдзя Вялікай Перамогі, мы яшчэ раз хочам засведчыць, што працавітасць, Салідарнасць і адзінства дапамагае нашаму беларускаму народу ўпэўнена глядзець у заўтрашні дзень!
ААТ "Даламіт" – у ліку арганізацый прамысловасці, якія дасягнулі найлепшых паказчыкаў у 2024 годзе. Адпаведнае пасведчанне было ўручана генеральнаму дырэктару ААТ "Даламіт" Сяргею Мікалаевічу Саглаеву.
- Гэта заслужанае прызнанне-вынік упартай працы ўсяго калектыву, імкнення да развіцця і адданасці сваёй справе, – адзначыў Сяргей Мікалаевіч. - Дзякуем кожнаму супрацоўніку за ўклад у агульны поспех! Разам мы працягваем рухацца наперад, да новых дасягненняў!
