30.01.2025 97

ААТ "Даламіт" у аршанскіх школах: знаёмства з прафесіяй

30 студзеня ў рамках прафарыентацыйнай працы супрацоўнікі ААТ "Даламіт" наведалі 8 школ горада Орша, каб дапамагчы навучэнцам ва ўсвядомленым выбары будучай прафесіі і пазнаёміць з запатрабаванымі кірункамі ў нашай галіне.

Прадстаўнікі прадпрыемства расказалі аб дзейнасці ААТ "Даламіт", тэхналогіях вытворчасці, запатрабаваных спецыяльнасцях і перспектывах для маладых спецыялістаў. Адмысловая ўвага надалі мэтаваму навучанню, якія перавагі яно дае і як дапамагае ўпэўнена пачынаць свой прафесійны шлях.

Каб зрабіць сустрэчы не толькі інфарматыўнымі, але і займальнымі, для школьнікаў падрыхтавалі інтэрактыўны квіз аб ААТ "Даламіт". Дзеці з цікавасцю адказвалі на пытанні, а самыя эрудзіраваныя ўдзельнікі атрымалі памятныя сувеніры ад прадпрыемства.

Падобныя мерапрыемствы дапамагаюць выпускнікам лепш арыентавацца ў свеце прафесій і прымаць усвядомленыя рашэнні аб сваёй будучыні.