21.05.2024 87

Прафарыентацыйная сустрэча

З мэтай пашырэння і павышэння эфектыўнасці мэтавай падрыхтоўкі, узмацнення прафарыентацыйнай работы, павышэння матывацыі вучняў да ўсвядомленага выбару прафесіі 21 мая 2024 года адбылася сустрэча прадстаўнікоў ААТ "Даламіт" з навучэнцамі старэйшых класаў ДУА "Сярэдняя школа № 9 г.Віцебска".

Прафесія-гэта білет у жыццё. Кожны школьнік, які знаходзіцца на парозе выпуску, сутыкаецца з сур'ёзным выбарам сваёй будучай дзейнасці. Ад яго рашэння залежыць яго далейшы жыццёвы шлях. У выбары прафесіі дапамагае асабістыя зносіны з прадстаўнікамі арганізацый, менавіта таму вучні адзначылі значнасць і важнасць такіх сустрэч.

Школьнікі даведаліся пра гісторыю і дзейнасць прадпрыемства, аб прафесіях, якія цяпер актуальныя і запатрабаваныя, аб установах адукацыі, дзе гэтыя прафесіі можна атрымаць, аб перавагах навучання на ўмовах мэтавай падрыхтоўкі, асаблівасцях паступлення і парадку ўдзелу ў конкурсе, паглядзелі прэзентацыйны відэаролік аб прадпрыемстве.

У канцы сустрэчы навучэнцы атрымалі маляўнічыя прафарыентацыйныя буклеты, мелі магчымасць задаць пытанні, адказы на якія дапамогуць ім ва ўсвядомленым выбары прафесіі.