20.12.2024 107

ШАГ- маладосць час выбару!

Учора прадстаўнікі ААТ "Даламіт" прынялі ўдзел у дыялогавай пляцоўцы ў рамках інфармацыйна-адукацыйнага праекта "ШАГ- Школа актыўнага грамадзяніна", арганізаванай на базе ДУА "Сярэдняя школа №15 г.Віцебска імя М. Я. Чуманіхінай". Мерапрыемства сабрала навучэнцаў выпускных класаў школы, а таксама прадстаўнікоў устаноў адукацыі горада.

Спецыялісты ААТ "Даламіт" распавялі старшакласнікам аб ключавых напрамках дзейнасці прадпрыемства, умовах мэтавай падрыхтоўкі і кар'ерных перспектывах. Каб зрабіць сустрэчу больш цікавай, супрацоўнікі правялі займальны анлайн-квіз, дзе хлопцы змаглі праверыць свае веды і даведацца шмат новага аб нашым прадпрыемстве.

Пераможцы квіза атрымалі памятныя падарункі, а ўсе ўдзельнікі - карысныя парады і натхненне для выбару прафесійнага шляху.

Падобныя мерапрыемствы з'яўляюцца важным крокам у фарміраванні ў школьнікаў разумення значнасці ўсвядомленага выбару прафесіі і адкрываюць дарогу да далейшага супрацоўніцтва, бо менавіта сумесныя намаганні адукацыйных устаноў і працадаўцаў служаць асновай для паспяховага вызначэння прафесіі і паляпшэння якасці падрыхтоўкі будучых спецыялістаў.