ААТ "Даламіт" працягвае мадэрнізацыю з апярэджаннем графікаў. Запуск тэхналагічнай лініі № 1 з новай сістэмай аспірацыі ад расійскага ТАА «Віратэх» адбыўся ўжо 16 траўня - замест месяца ўклаліся ў тры тыдні. Тым часам на тэхналагічнай лініі № 3 спецыялісты прыступілі да мантажу вертыкальнага ролікавага млына. Наступная на чарзе - тэхналагічная лінія № 9. Яе абсталююць таксама расійскімі мультыцыклонамі. Акрамя таго, у распрацоўцы - перадпраектная дакументацыя для будаўніцтва яшчэ дзвюх новых ліній. Мадэрнізацыя працягваецца!