23.10.2024 117

Сорак гадоў, як адно імгненне

Сыход на заслужаны адпачынак - асаблівая падзея ў жыцці чалавека, момант, калі пройдзены пэўны этап жыццёвага шляху і настаў час падвесці вынікі сваёй дзейнасці.

Сёння ў ААТ "Даламіт" праводзілі на заслужаную пенсію інжынера па нарміраванні Багук Галіну Міхайлаўну, якая прапрацавала на прадпрыемстве 40 гадоў.

За доўгія гады сваёй паспяховай кар'еры Галіна Міхайлаўна назапасіла велізарны вопыт і веды, шмат сяброў, прафесійных перамог, поспехаў. Сёння надыходзіць выдатны перыяд у жыцці і да ўсяго вышэйпералічанага багацця дадаецца яшчэ вольны час і поўная свабода дзеянняў!

Ад імя ўсяго калектыву прагучалі словы намесніка генеральнага дырэктара па персаналу і ідэалагічнай рабоце Марчанкі Алены Віктараўны, якая падзякавала Галіну Міхайлаўну за шматгадовую добрасумленную працу, пажадала здароўя, моцы духу, энтузіязму і бясконцай жыццёвай энергіі, новых дасягненняў і перамог!