15.05.2024 110

Урачысты мітынг, прысвечаны дзяржаўным сімвалам Рэспублікі Беларусь

2 мая наша краіна адзначае Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь-свята, якое аб'ядноўвае ўсе пакаленні беларусаў.

У Віцебску на пляцоўцы перад ВДМУ адбыўся ўрачысты мітынг, прысвечаны гэтаму святу, з удзелам прадстаўнікоў органаў улады, ветэранаў, працоўных калектываў, грамадскіх арганізацый, навучальных устаноў горада.

Аддаць пашану сімвалам дзяржавы, тым самым выказаць любоў і павагу да сваёй Радзімы, гонар за прыналежнасць да народа-пераможцы, прыйшлі і работнікі ААТ "Даламіт".

У рамках урачыстага мітынгу студэнты вышэйшых навучальных устаноў Віцебска прамовілі клятву дзяржаўным сімвалам Беларусі. Сабе і свайму народу яны паабяцалі быць патрыётамі, працаваць на карысць Радзімы.

Дзяржаўныя сімвалы-гэта ўвасабленне нацыянальнай самасвядомасці беларускага народа. Шанаваць свае галоўныя сімвалы, выхоўваць пачуццё павагі да іх, а разам з тым пачуццё гонару і адказнасці за нашу родную Беларусь – абавязак кожнага яе жыхара.