24.01.2025 94

Удзел у выбарах - права і грамадзянскі абавязак кожнага!

23 студзеня ў рамках Адзінага дня інфармавання на базе нашага прадпрыемства адбылася сустрэча дэпутата Віцебскага гарадскога Савета дэпутатаў, генеральнага дырэктара ААТ "Даламіт" Соглаева Сяргея Мікалаевіча з працоўнымі калектывамі ААТ "Даламіт" і ДУА "Сярэдняя школа №9 г.Віцебска імя М.Ф. Біруліна"

Асноўнай тэмай абмеркавання сталі выбары Прэзідэнта Рэспублікі Беларусь. У ходзе сустрэчы закрануты ключавыя аспекты маючых адбыцца выбараў, пытанні ўстойлівага сацыяльна-эканамічнага развіцця краіны, сацыяльнай палітыкі дзяржавы, а таксама дасягненняў у розных сферах жыццядзейнасці і далейшай пабудовы незалежнай квітнеючай Беларусі.

Сяргей Мікалаевіч падкрэсліў, што выбары - гэта не толькі права, але і абавязак кожнага грамадзяніна, і заклікаў усіх прысутных актыўна прыняць удзел у галасаванні, а таксама звярнуў увагу на тое, што менавіта ад усвядомленага выбару залежыць будучыня краіны, яе стабільнасць і суверэнітэт.

- Праз некалькі дзён адбудзецца важны момант у жыцці краіны - выбары Прэзідэнта Рэспублікі Беларусь. Сёння, як ніколі, важна захоўваць адзінства і падтрымліваць прынцыпы, якія робяць нашу краіну моцнай і незалежнай. І мне, як кіраўніку, хацелася б, каб яўка працаўнікоў ААТ "Даламіт", якія пражываюць у мікрараёне Руба, была самай высокай.

Трэба адзначыць, што такія сустрэчы дапамагаюць данесці да грамадзян значнасць маючых адбыцца выбараў, абмеркаваць ключавыя аспекты дзяржаўнай палітыкі і нагадаць кожнаму аб яго адказнасці за будучыню краіны.
Наш гістарычны выбар - незалежная, моцная і квітнеючая Беларусь!