У ААТ "Даламіт" прайшоў Адзіны дзень інфармавання.

У ААТ "Даламіт" прайшоў Адзіны дзень інфармавання, прысвечаны тэме "Чарнобыль: ад адраджэння да ўстойлівага развіцця" і прымеркаваны да 40-годдзя з дня аварыі на Чарнобыльскай АЭС.

У якасці спікераў на мерапрыемстве выступілі старшыня камітэта эканомікі Віцебскага абласнога выканаўчага камітэта Дзмітрый Уладзіміравіч Навацкі і генеральны дырэктар ААТ "Даламіт", дэпутат Віцебскага гарадскога Савета дэпутатаў Сяргей Мікалаевіч Саглаеў.

У ходзе сустрэчы былі прыведзены афіцыйныя даныя аб наступствах катастрофы і ходзе аднаўлення рэгіёнаў. У выніку аварыі было забруджана 23 працэнты тэрыторыі Беларусі, а 479 населеных пунктаў спынілі сваё існаванне. За мінулы перыяд дзяржавай рэалізавана шэсць праграм, у рамках якіх было адселена 138 тысяч чалавек. На сённяшні дзень плошча забруджвання цэзіем-137 скарацілася ў 1,8 раза, у гаспадарчы абарот вернута 20,5 тысячы гектараў зямель. З зон забруджвання адноўлена 1657 населеных пунктаў, што складае 45 працэнтаў ад іх агульнай колькасці.

Праз 40 гадоў пасля трагедыі на ЧАЭС Рэспубліка Беларусь прадаўжае планамерную работу па вяртанні да жыцця пацярпелых тэрыторый. Генеральны дырэктар прадпрыемства Сяргей Соглаеў падкрэсліў, што ААТ "Даламіт" уносіць рэальны ўклад ва ўстойлівае развіццё гэтых рэгіёнаў, забяспечваючы мясцовых аграрыяў даламітавай мукой. Асаблівая ўвага надаецца цеснаму ўзаемадзеянню з сельгасвытворцамі Гомельскай і Магілёўскай абласцей - тэрыторый, дзе шчыльнасць забруджвання была максімальнай.