У ААТ «Даламіт» прайшоў навучальны семінар па супрацьдзеянні карупцыі.

Падвышаем кампетэнцыі ў сферы антыкарупцыі. У ААТ "Даламіт" прайшоў навучальны семінар для кіраўнікоў і спецыялістаў па выкананні патрабаванняў стандарту СТБ ISO 37001-2020 "Сістэма менеджменту барацьбы з хабарніцтвам".

У рамках семінара былі разгледжаны наступныя напрамкі: вывучэнне патрабаванняў стандарта СТБ ISO 37001-2020; разбор рэальных сітуацый па прадухіленні канфлікту інтарэсаў; інфармаванне аб відах адказнасці за карупцыйныя правапарушэнні і злачынствы; ацэнка карупцыйных рызык, характэрных для паўсядзённай дзейнасці прадпрыемства.

Навучанне прайшло ў фармаце адкрытага дыялога. Гэта важны крок у фармаванні празрыстай карпаратыўнай культуры і выкананні заканадаўства Рэспублікі Беларусь.