01.04.2024 25

Выстава "BUDEXPO-2024"

У перыяд з 27 па 29 сакавіка 2024 ААТ "Даламіт" прыняло ўдзел у 26-й Міжнароднай архітэктурна-будаўнічай выставе «BUDEXPO-2024», якая праходзіла ў г.Мінск. Арганізатарамі выставы выступілі Нацыянальны выставачны цэнтр "Белэкспа" сумесна з Міністэрствам архітэктуры і будаўніцтва Рэспублікі Беларусь пры падтрымцы Саюза будаўнікоў Рэспублікі Беларусь і Беларускага саюза архітэктараў.

Дадзеная выстава-дадатковая магчымасць вываду на будаўнічы рынак найноўшых тэхналогій, матэрыялаў і канструкцый, цэнтр абмену вопытам, што спрыяе не толькі развіццю будаўнічай галіны ў цэлым, але і прыцягненню інвестыцый у дадзены сектар эканомікі, умацаванню дзелавых сувязяў паміж айчыннымі і замежнымі кампаніямі.

Мерапрыемства аб'яднала лідараў галіны-ад забудоўшчыкаў, вытворцаў і пастаўшчыкоў абсталявання і матэрыялаў да праектных арганізацый. Удзельнікі выставы BUDEXPO з Беларусі і Расіі азнаёмілі наведвальнікаў са сваёй прадукцыяй, новымі праектамі, прадставілі новыя тэхналогіі і сэрвісы, унікальныя распрацоўкі і інавацыйныя рашэнні, анансавалі выхад навінак.

На працягу трох выставачных дзён стэнд ААТ "Даламіт" прыцягваў увагу наведвальнікаў мерапрыемства, якія актыўна цікавіліся прадстаўленымі ўзорамі прадукцыі, яе якаснымі характарыстыкамі, магчымымі сферамі прымянення, а таксама асаблівасцямі тэхналогіі вытворчасці.

Прадстаўнікі нашага прадпрыемства прэзентавалі прадукцыю, адказвалі на пытанні наведвальнікаў выставы, праводзілі сустрэчы з партнёрамі. Па выніках працы выставы ААТ "Даламіт" было ўзнагароджана Дыпломам удзельніка, а таксама атрымала фірмовую статуэтку "BUDEXPO 2024".