16.02.2025 106

Выстава “Адукацыя і кар'ера”: адкрываем новыя гарызонты разам з ААТ “Даламіт”!

Сёння ў Мінску завяршылася 22-я Міжнародная спецыялізаваная выстава "Адукацыя і кар'ера. Навучальныя тэхналогіі", якая праходзіла з 14 па 16 лютага па адрасе праспект Пераможцаў, 14. За тры дні яна сабрала сотні ўдзельнікаў - вядучыя ВНУ, каледжы, адукацыйныя цэнтры і прадпрыемствы, якія адкрываюць моладзі новыя перспектывы.

Для ААТ "Даламіт" выстава стала асабліва значнай – на ўрачыстым закрыцці наша прадпрыемства было ўдастоена Дыплома ад арганізатараў за актыўны ўдзел і Падзякі Міністэрства архітэктуры і будаўніцтва за лепшую інтэрактыўную прэзентацыю. Гэтыя ўзнагароды пацвярджаюць, што мы рухаемся ў правільным напрамку, і натхняюць нас на новыя здзяйсненні!

Дзякуй арганізатарам выставы, калегам і гасцям за цікавасць, вопыт і новыя знаёмствы!

Мы ўпэўненыя, што разам зможам пабудаваць паспяховую будучыню!