18.08.2025
82
Юбілей, які натхняе: 50 год на ААТ "Даламіт"
Свой працоўны шлях Ала Пятроўна пачала яшчэ ў 1975 годзе, калі маладой дзяўчынай прыехала на працу па размеркаванні слесарам па КИПиА. За гэтыя гады яна прайшла доўгі шлях прафесійнага росту, неаднаразова даказваючы, што сапраўдны спецыяліст заўсёды застаецца верным справе. Яе веды, досвед і мудрыя парады дапамагаюць пераймаць калегам не толькі прафесійныя навыкі, але і асаблівае стаўленне да працы. Для многіх яна стала чалавекам, да якога можна звярнуцца па падтрымку і параду.
Генеральны дырэктар ААТ "Даламіт" Сяргей Мікалаевіч Саглаеў падкрэсліў значнасць гэтай падзеі:
- Паўстагоддзя працы на адным месцы - гэта рэдкасць у наш час. Ала Пятроўна сваім прыкладам даказвае, што вернасць прафесіі і адданасць прадпрыемству - гэта сапраўдная каштоўнасць. Ад імя ўсяго калектыву і ад сябе асабіста дазвольце выказаць словы падзякі і ўдзячнасці за той уклад, за тую працу, якую Вы на працягу 50 гадоў рабілі для прадпрыемства. Вы сёння для нас пэўны флангман і арыенцір не толькі для вопытных работнікаў, але і для моладзі. Вы сталі сімвалам стабільнасці і сапраўднай візітнай карткай прадпрыемства. Мы захапляемся Вашым стаўленнем да справы і дзякуем за тое, што Вы сталі часткай гісторыі ААТ "Даламіт".
З асаблівым трапятаннем Ала Пятроўна дзеліцца ўспамінамі аб сваёй працоўнай дзейнасці ў ААТ "Даламіт":
- Я прыйшла на прадпрыемства, і з таго моманту маё жыццё закруцілася ... За гэтыя гады Даламіт стаў для мяне родным домам. Тут прайшлі найлепшыя гады майго жыцця. Я не ўяўляю сябе без гэтага калектыва - працаваць тут для мяне сапраўднае шчасце. Мне падабаюцца людзі, з якімі я побач, мне блізкая тая справа, якую мы робім разам. Я з гонарам назіраю, як развіваецца прадпрыемства, як яно рухаецца наперад. За намі будучыня, і я ўдзячная кожнаму за магчымасць быць побач.
Працоўны юбілей Алы Пятроўны - гэта яскравы прыклад таго, як асабістая адданасць і любоў да сваёй прафесіі становяцца часткай вялікай гісторыі ўсяго прадпрыемства. Менавіта такія людзі ствараюць падмурак, на якім будуецца ўпэўненая будучыня ААТ "Даламіт".
