08.12.2022
26
Конкурс прафесійнага майстэрства "Лепшы па прафесіі"
У конкурсе прынялі ўдзел 4 работнікі арганізацыі, якія працуюць па прафесіі "слесар па рамонце і абслугоўванню абсталявання" 3 і 4 разраду, "слесар-рамонтнік" 3 і 4 разраду, або якія маюць вышэйназваныя прафесіі ў якасці сумежных, ва ўзросце да 35 гадоў. Былі запрошаны навучэнцы 8-9 класаў ДУА "Сярэдняя школа №15 г.Віцебска імя М.Я.Чуманіхінай".
Конкурс праводзіўся ў чатыры этапы.
I этап - "хатняе заданне" прадугледжвала выраб дэкаратыўнай падстаўкі пад кветкі з дроту сваімі рукамі.
II этап - "тэарэтычнае заданне" прадугледжвала выкананне ўдзельнікамі конкурсу тэсту па тэмах: агульныя звесткі аб слясарнай справе; інструменты ,якія прымяняюцца пры працы, патрабаванні да іх; рэзьбавыя злучэння. Кожны ўдзельнік павінен быў адказаць на 32 пытанні, якія змяшчаюцца ў тэсце, выбраўшы з некалькіх варыянтаў правільны адказ.
III этап - "практычнае заданне" прадугледжвала наступнае: мантаж падшыпніка на вал, зборка разьбовага злучэння, расшыфроўка абазначэння падшыпнікаў.
IV этап - "пытанні аховы працы, пажарнай бяспекі, аказанне першай даўрачэбнай дапамогі пацярпеламу". Удзельніку конкурсу неабходна было максімальна дакладна адказаць на пытанні білета.
Па выніках конкурсу месцы размеркаваліся наступным чынам:
I месца - Іваноў Уладзіслаў цэх №7;
II месца - Бруеў Ілля цэх №9;
III месца - Чубараў Аляксандр цэх №2;
IV месца - Навадворскі Аляксей УРТГА.
Усе ўдзельнікі конкурсу са сродкаў прафсаюзнага бюджэту атрымалі грашовыя сертыфікаты, памятныя кнігі ад наймальніка і салодкія падарункі ад БРСМ.
