25.01.2024
26
Абласная маладзёжная прэмія БРСМ "Дасягненне"
Абласная маладзёжная прэмія БРСМ "Дасягненне" накіравана на заахвочванне маладых грамадзян, грамадскіх аб'яднанняў, арганізацый і калектываў, якія праявілі сябе ў грамадзянска-патрыятычным выхаванні моладзі, студатрадаўскім руху, валанцёрскім руху, грамадскай рабоце, якія дабіліся прыкметных вынікаў у галіне дзяржаўнай маладзёжнай палітыкі. Арганізатарам прэміі з'яўляецца Віцебскі абкам ГА "БРСМ" пры падтрымцы дзяржаўных і прыватных структур, грамадскіх і творчых арганізацый, сродкаў масавай інфармацыі Рэспублікі Беларусь. Прэмія праходзіць пад дэвізам "у кожным з нас гарыць зорка, трэба толькі яе запаліць".
У моладзі Віцебшчыны шмат дасягненняў было ў 2023 годзе. Таму нядзіўна, што з кожным годам прэмія БРСМ "Дасягненне" набірае абароты. У гэты раз у аргкамітэт паступіла больш за 200 заявак ад маладых людзей з розных сфер і розных рэгіёнаў, з якіх выбралі 40 лепшых у шасці намінацыях: "Моладзь за працу", "Медыя_моладзь", "Моладзь у спорце", "Герой нашага часу", "Настаўнік для моладзі", "Дасягненне".
Instagram-акаўнт @_molodezh_dolomit_ апынуўся ў ліку лепшых моладзевых інфармацыйных рэсурсаў. Адміністратар групы Марозаў Віталь - сакратар ГА "БРСМ" ААТ "Даламіт" атрымаў дыплом суіскальніка ў намінацыі "Медыя_моладзь". Падзякаваў суіскальнікам прэміі за іх старанні і павіншаваў з поспехамі намеснік старшыні Віцебскага аблвыканкама Вячаслаў Дурноў.
