01.04.2024 21

Прэзентацыя выставы творчага конкурсу "Сакавіцкія каты"

Для многіх з нас, кошкі з'яўляюцца самым любімым хатнім жывёлам. Асабліва іх любяць дзеці, таму кожны год у сакавіку дзеці работнікаў ААТ "Даламіт" малююць, лепяць, вяжуць, вышываюць, выкладваюць пацеркамі коцікаў. У гэтых працах катоў і ёсць любоў. Мы ў гэтым упэўненыя. І хочацца, каб і вам гэтыя працы прыйшліся па душы!

31 сакавіка ў інтэрнаце ААТ "Даламіт" прайшла прэзентацыя выставы творчага конкурсу "Сакавіцкія каты". На выставу было прадстаўлена 23 работы, выкананыя дзецьмі ў розных тэхніках выканання. У ходзе мерапрыемства кожны ўдзельнік прадстаўляў сваю працу, распавядаючы ў чым яе значэнне.

Па выніках працы членаў журы месцы размеркаваліся наступным чынам:
Кіркіж Ілля – (10 гадоў) - дыплом за 1 месца ў намінацыі "За карпатлівасць"
Ходзюш Макар (10 гадоў) – дыплом за 2 месца ў намінацыі "За фантазію"
Дрозд Ягор (10 гадоў) – дыплом за 3 месца ў намінацыі "За вясновы настрой"
Прафсаюзны камітэт ААТ "Даламіт" не пакінуў без увагі ніводнага ўдзельніка. Пераможцы атрымалі свае запаветныя прызы, а ўсе ўдзельнікі салодкія прэзенты. Самаму юнаму ўдзельніку, Лазарэвічу Іллі (4 гады), быў уручаны заахвочвальны прыз.

У праграме выставы была праведзена віктарына пра катоў, а таксама паказ мультфільма «Том і Джэры».

Дзякуем усім удзельнікам конкурсу за актыўнасць і творчасць!

Больш фотаздымкаў з мерапрыемства можна паглядзець тут.