09.04.2025 85

Справаздачная канферэнцыя першаснай прафсаюзнай арганізацыі ААТ "Даламіт"

8 красавіка адбылася справаздачная прафсаюзная канферэнцыя. У працы канферэнцыі прынялі ўдзел генеральны дырэктар ААТ "Даламіт" Саглаеў С.М., галоўны бухгалтар Віцебскай абласной арганізацыі Беларускага прафсаюза работнікаў будаўніцтва і прамысловасці будаўнічых матэрыялаў Сцепаненка Л.А.

У ходзе канферэнцыі падведзены вынікі работы першаснай прафсаюзнай арганізацыі ААТ "Даламіт" за 2024 год і вызначаны ключавыя напрамкі дзейнасці на 2025 год, зацверджана справаздача рэвізійнай камісіі за 2024 год і каштарыс даходаў і расходаў на 2025 год.

Былі разгледжаны дапаўненні і змены ў калектыўную дамову на 2024-2027 гг., за якія ўсе прагаласавалі аднагалосна:

аднаразовая матэрыяльная дапамога на аздараўленне - у памеры стаўкі рабочага (акладу служачага), але не менш за 10 БВ;
павелічэнне матэрыяльнай дапамогі да Дня будаўніка да 10 БВ для работнікаў са стажам у арганізацыі больш за 2 гады;
матэрыяльная дапамога да новага навучальнага года - 3 БВ на кожнае дзіця работніка;
матэрыяльная дапамога да Дня бацькі - 5 БВ;
павелічэнне матэрыяльнай дапамогі пры адсутнасці лісткоў непрацаздольнасці на працягу года - 5 БВ;
матэрыяльная дапамога за праходжанне прафілактычнай вакцынацыі - 1 БВ;
штомесячныя даплаты студэнтам, якія навучаюцца па дагаворах аб мэтавай падрыхтоўцы па запатрабаваных спецыяльнасцях;
кампенсацыя да 70% кошту пуцёўкі (не больш за 25 БВ) для работнікаў, якія набываюць санаторна-курортнае лячэнне за свой кошт, пры наяўнасці бесперапыннага стажу ад 3 гадоў і адпаведных дакументаў;
матэрыяльная дапамога тым, хто мае патрэбу ў санаторна-курортным лячэнні - не часцей за адзін раз у 4 гады пры наяўнасці стажу ад 3 гадоў і па рашэнні камісіі.

Генеральны дырэктар ААТ "Даламіт" Саглаеў С.М. падкрэсліў важнасць пастаяннага супрацоўніцтва прафкама з кіраўніцтвам, паколькі гэта дае магчымасць падтрымліваць высокі ўзровень сацыяльнага партнёрства ў калектыве, знаходзіць аптымальнае вырашэнне складаных пытанняў, актыўна прыцягваць работнікаў да ўдзелу ў грамадскім жыцці прадпрыемства для павышэння карпаратыўнага духу.

Па выніках канферэнцыі праца першаснай прафсаюзнай арганізацыі за справаздачны перыяд прызнана здавальняючай.